Պայմաններ և դրույթներ

ՀՐԱՊԱՐԱԿԱՅԻՆ ՕՖԵՐՏԱ (ՊԱՅՄԱՆԱԳԻՐ)

ՀԱՄԱԿԱՐԳԻՑ ՕԳՏՎԵԼՈՒ ԾԱՌԱՅՈՒԹՅՈՒՆՆԵՐԻ ՏՐԱՄԱԴՐՄԱՆ ՎԵՐԱԲԵՐՅԱԼ

ք. Հրազդան «01» ապրիլ 2022թ.

« ԷՅՋԿԱ ԴԻՋԻՏԱԼ ԷՋԵՆՍԻ» սահմանափակ պատասխանատվությամբ ընկերությունը

(այսուհետ՝ նաև Կատարող)՝ ի դեմս տնօրեն Հայկ Կարապետյանի, ով հանդես է գալիս

ընկերության կանոնադրության հիման վրա, Կատարողին պատկանող Պլագինների և

դրանցով պայմանավորված Կատարողի կողմից մատուցվող ծառայություններից

օգտվելու ցանկություն ունեցող ցանկացած իրավաբանական անձի կամ ֆիզիկական

անձի առաջարկում է սույն հրապարակային օֆերտայի ակցեպտավորմամբ (ընդունմամբ)

կնքել Պլագիններից օգտվելու ծառայությունների տրամադրման վերաբերյալ

Պայմանագիր ստորև նշված պայմաններով.

1. ՍԱՀՄԱՆՈՒՄՆԵՐ

Պայմանագրում, դրան կից Հավելվածներում, ինչպես նաև Կողմերի միջև կնքված

առանձին համաձայնագրերում ներքոնշյալ բառերն ու արտահայտություններն ունեն

ստորև նշված իմաստը, բացառությամբ այն դեպքերի, երբ Պայմանագրի

բովանդակությունից բխում է այլ բան:

Օֆերտա՝ Կատարողի կողմից ՀՀ քաղաքացիական օրենսգրքի 453-րդ հոդվածի

պահանջներին համապատասխան կազմված և Կայքում հրապարակային ներկայացված

սույն փաստաթուղթը, այդ թվում՝ դրա անբաժանելի մասը կազմող Գնացուցակը, որը

հասցեագրված է ցանկացած անձի և չի պահանջում գրավոր կարգով ստորագրում:

Պայմանագիր՝ Պատվիրատուի կողմից Օֆերտայի՝ ամբողջ ծավալով և անվերապահորեն

ակցեպտավորման (ընդունման) միջոցով Կատարողի և Պատվիրատուի միջև կնքված

սույն համաձայնությունը, ինչպես նաև Պայմանագրի բոլոր հավելվածները, դրա

վերաբերյալ կնքված համաձայնագրերը, փոփոխությունները և լրացուցմները, Օֆերտայի

(Պայմանագրի) անբաժանելի մասը կազմով Գնացուցակը, որոնք պարունակում են

Օֆերտայով նախատեսված և/կամ Կատարողի կողմից սահմանված այլ պայմաններ:

Ակցեպտ՝ Պատվիրատուի կողմից ամբողջ ծավալով և անվերապահորեն Օֆերտայի, այդ

թվում՝ Գնացուցակի, նաև Կատարողի կողմից ներկայացված հաշիվների ընդունումը՝

Օֆերտայով նախատեսված համապատասխան գործողությունների իրականացման

միջոցով: Ակցեպտավորումը իրականացվում է նաև Համակարգում գրանցվելիս

«Ծանոթացել եմ և համաձայն եմ» դաշտի լրացման և հաստատման միջոցով: 2

Կատարող՝ « ԷՅՋԿԱ ԴԻՋԻՏԱԼ ԷՋԵՆՍԻ » սահմանափակ պատասխանատվությամբ

ընկերությունը, իսկ Պայմանագրի առանձին մասերի էությունից ելնելով նաև Կատարողի

համապատասխան աշխատակիցները կամ Կատարողի կոնտրագենտները

/ծառայություններ մատուցողները և այլն/:

Պատվիրատու՝ իրավաբանական անձ կամ ֆիզիկական անձ, որը որպես կանոն

զբաղվում է ձեռնարկատիրական գործունեությամբ և Կատարողի հետ Օֆերտայի

պայմանների ակցեպտավորմամբ (ընդունմամբ) կնքում է Պայմանագիրը և ընտրված

Սակագնային փաթեթի և Կայքում հրապարակված Գնացուցակի հիման վրա ստանում

Պայմանագրով նախատեսված ծառայությունները:

Կայք՝ Կատարողին պատկանող համացանցում տեղակայված կայքէջերի համալիր՝ https://

hkdigital.am հասցեում գտնվող մեկնարկային կայքէջով, որի միջոցով կարելի է մուտք

գործել մյուս բոլոր կայքէջեր և որոնց կիրառմամբ, ինչպես նաև Կայքում առկա

համապատասխան հավելվածների, ծրագրերի հղումների օգտագործմամբ

Պատվիրատուին տրամադրվում են Պայմանագրով նախատեսված Ծառայությունները:

Միայն Կայքի օգտագործմամբ հնարավոր չէ օգտվել Պատվիրատուի Ծառայություններից:

Ծրագրային արտադրանքներ՝ Կատարողին պատկանող Պլագիններ և դրանց

համապատասխան տվյալների շտեմարանը (պահոցները): Համակարգ մուտք գործելու

հնարավորություն ապահովելուց հետո Պատվիրատուին հասանելի պլագինների

(սպասարկման ծրագրերի) կոնկրետ ցանկը պայմանավորված է Պատվիրատուի կողմից

ընտրված սակագնային փաթեթից: Պլագինների շահագործման համար անհրաժեշտ

համապատասխան Ծրագրային արտադրանքների տեղադրումը և օգտագործումը

իրականացվում է Կայքում առկա համապատասխան հղումներից կամ Կատարողի կողմից

տրված էլեկտրոնային կրիչներից դրանք ներբեռնելու և գործարկելու միջոցով:

Պլագին՝ «Wordpress» կայքերի պատրաստման հարթակի «WooCommerce» հավելվածի

հավելում ծրագիր, որն ապահովում է Էլեկտրոնային վճարման համակարգերի և

էլեկտրոնային ՀԴՄ-ի աշխատանքը։

Ծառայություններ՝ Կատարողի կողմից Պայմանագրով նախատեսված պայմաններով

Պատվիրատուին Պլագին մուտք գործելու հնարավորության (սպասարկման ծրագրերի

հասանելիություն ապահովելու) և Պատվիրատուի կողմից ընտրված սպասարկման

պայմաններին (սակագնային փաթեթին, բաժանորդագրության ժամկետին)

համապատասխան տեղեկատվա-տեխնոլոգիական աջակցության հետ կապված

ծառայություններ, ինչպես նաև Պատվիրատուի կողմից պատվիրված Կատարողի կողմից

տրամադրվող լրացուցիչ ծառայություններ:

Սակագնային փաթեթ՝ Պատվիրատուի սպասարկման ֆինանսական և այլ պայմանների

համակցություն: Համապատասխան Սակագնային փաթեթի ընտրությունը

պայմանավորված է Պատվիրատուի կայքերի քանակով: Սակագնային փաթեթները

հիմնված են /նույնանում են/ հրապարակված Գնացուցակի վրա և գործելու են

Գնացուցակով նախատեսված պայմանների շրջանակներում:

Գնացուցակ՝ Կատարողի կողմից միակողմանիորեն հաստատված, փոփոխված և

լրացված փաստաթուղթ կամ մի քանի փաստաթղթեր, որոնցով սահմանվում են

Կատարողի կողմից տրամադրվող Ծրագրային արտադրանքների, Պլագիններից օգտվելու

իրավունքի և Ծառայությունների արժեքները, ինչպես նաև դրանց կիրառման

պայմանները: Գնացուցակը, դրա հետագա փոփոխությունները և նոր խմբագրությունները

տեղադրվում և հրապարակվում են Կայքում և հանդիսանում են Պայմանագրի

անբաժանելի մասը: Կիրառման ենթակա է Պայմանագրի կնքման պահի դրությամբ

գործող Գնացուցակը: Գնացուցակը (փոփոխությունները և նոր խմբագրությունները)

հաստատվում է « ԷՅՋԿԱ ԴԻՋԻՏԱԼ ԷՋԵՆՍԻ » ՍՊԸ-ի տնօրենի որոշմամբ:

Օգտագործող՝ Համակարգում գրանցված Պատվիրատուն և/կամ Պատվիրատուի

աշխատակիցը, որի տվյալներով Համակարգում ստեղծվում է համապատասխան Հաշիվ և

նույնականացում անցնելուց հետո Օգտագործողը, ըստ ձեռք բերած Պլագինի և ընտրված

սակագնային փաթեթի, իրականացնում է Պլագինի լիարժեք օգտագործումը և

կառավարումը: Համակարգում գրանցում և նույնականացում անցնելուց հետո

Պատվիրատուի և/կամ Օգտագործողի ներկայացրած տվյալների, մասնավորապես

էլեկտրոնային փոստի հասցեի, հեռախոսահամարի կամ այլ տվյալների հիման վրա

վերջինիս տրամադրվում է համապատասխան գաղտնաբառ, որի և Պատվիրատուի և/կամ

Օգտագործողի կողմից ստեղծված գաղտնաբառի կիրառմամբ իրականացվելու է մուտքը

Պլագինների:

Նույնականացում՝ Օգտագործողի կողմից Պլագին մուտք գործելու թույլտվության

տրամադրման իրավաչափության գնահատման ընթացակարգ, որը իրականացվում է

էլեկտրոնային գրանցման միջոցով՝ կիրառելով համապատասխան գաղտնաբառը:

Անձնական տվյալներ՝ Պլագինի օգտագործման արդյունքում ֆիզիկական կամ

իրավաբանական անձանց վերաբերյալ ստացված տեղեկատվություն, որը թույլ է տալիս

կամ կարող է թույլ տալ ուղղակի կամ անուղղակի կերպով նույնականացնել տվյալ անձի

ինքնությունը. Անձնական տվյալների մշակում՝ ավտոմատացված, տեխնիկական

միջոցների կիրառմամբ կամ առանց դրանց ցանկացած գործողություն կամ

գործողությունների խումբ, որը կապված է անձնական տվյալները հավաքելու կամ

ամրագրելու կամ մուտքագրելու կամ համակարգելու կամ կազմակերպելու կամ

պահպանելու կամ օգտագործելու կամ վերափոխելու կամ վերականգնելու կամ

փոխանցելու կամ ուղղելու կամ ուղեփակելու կամ ոչնչացնելու կամ այլ գործողություններ

կատարելու հետ:

Անձնական տեղեկատվություն՝ Պլագինների օգտագործման և կառավարման

արդյունքում ձևավորված Պատվիրատուի և/կամ Օգտագործողի վերաբերյալ Պլագինների

կիրառման համար անհրաժեշտ և դրա էությունից բխող այլ տեղեկատվություն:

2. ՊԱՅՄԱՆԱԳՐԻ ԿՆՔՈՒՄ

2.1. Սույն փաստաթուղթը ՀՀ քաղաքացիական օրենսգրքի 453-րդ հոդվածի 2-րդ մասի

իմաստով հանդիսանում է « ԷՅՋԿԱ ԴԻՋԻՏԱԼ ԷՋԵՆՍԻ » սահմանափակ

պատասխանատվությամբ ընկերության՝ Պայմանագրի կնքման վերաբերյալ

հրապարակային Օֆերտա: Սույն հրապարակային Օֆերտայի բովանդակությունը

տեղադրված և հրապարակված է Կատարողին պատկանող Կայքում հետևյալ հասցեով՝

https://hkdigital.am/wp-content/uploads/agreements/oferta.pdf:

2.2. Պայմանագրի կնքման պայմանների և կարգի նկատմամբ կիրառվում են ՀՀ

քաղաքացիական օրենսգրքի նորմերը, որոնք կարգավորում են հրապարակային

պայմանագրի (ՀՀ ՔՕ 442-րդ հոդված), միանալու պայմանագրի (ՀՀ ՔՕ 444-րդ հոդված),

օֆերտայի և դրա ակցեպտի (ՀՀ ՔՕ 451-459 հոդվածներ) ներկայացման կարգը և

պայմանները:

2.3. Սույն հրապարակային Օֆերտայի ակցեպտ (ընդունում) և Պայմանագրի կնքման պահ

է համարվում սույն Պայմանագրի 5-րդ գլխով նախատեսված կարգով և չափով

համապատասխան վճարումը /կանխավճարը/ Կատարողի կողմից ստանալու պահը: Սույն

կետին համապատասխան իրականացված ակցեպտ նշանակում է Պատվիրատուի կողմից

ամբողջ ծավալով և անվերապահորեն Օֆերտայի (Պայմանագրի), այդ թվում՝

Գնացուցակի, նաև Կատարողի կողմից ներկայացվող հաշիվների ընդունումը: ՀՀ

քաղաքացիական օրենսդրության համաձայն՝ Պատվիրատուի կողմից սույն

հրապարակային Օֆերտայի ակցեպտի (ընդունման) միջոցով կնքված Պայմանագիրը

համարվում է սույն հրապարակային Օֆերտայի պայմանների հիման վրա գրավոր ձևով

կնքված պայմանագիր և հանդիսանում է պայմանագրի երկու կողմերի կողմից

փաստաթղթային ձևով կնքված պայմանագրին համարժեք:

2.4. Համաձայնվելով սույն հրապարակային Օֆերտայի պայմաններին և իրականացնելով

Պայմանագրի 2.3 կետին համապատասխան որպես ակցեպտ ճանաչվող

գործողությունները, Պատվիրատուն հաստատում և երաշխավորում է, որ Պայմանագրի

կնքումը և Գնացուցակին համապատասխան Սակագնային փաթեթի,

Բաժանորդագրության ժամկետի ընտրությունը հանդիսանում է իր ազատ կամքի

դրսևորում, Համակարգում գրանցման, Պայմանագրի կնքման և իրականացման,

վճարումների կատարման ժամանակ իր մասին տրամադրում է ճիշտ, արժանահավատ և

արդիական տեղեկություններ (տվյալներ), ծանոթացել է և համաձայն է Օֆերտայի

(Պայմանագրի) բոլոր պայմաններին, այդ թվում՝ Օֆերտայի անբաժանելի մասը կազմող

Գնացուցակին և Օֆերտայում նշված այլ փաստաթղթերին, ինչպես նաև Պլագինների

գործունեությանը վերաբերող Կայքում տեղադրված և հրապարակված բոլոր

փաստաթղթերին և տեղեկատվությանը, Պայմանագրի կնքման համար ունի անհրաժեշտ

գործունակություն և իրավունակություն և օժտված է բավարար լիազորություններով:

2.5. Պայմանագրի 2.3 կետին համապատասխան որպես ակցեպտ ճանաչվող

գործողությունների իրականացումից հետո Պատվիրատուն իրավունք չունի ներկայացնել

որևէ պատճառաբանություն Օֆերտայի պայմաններին ծանոթ չլինելու և/կամ Օֆերտայի

պայմաններից որևէ մեկի և/կամ որևէ փաստաթղթի հետ համաձայն չլինելու վերաբերյալ

և այդ հիմքերով իրավունք չունի վիճարկել Պայմանագրի կնքման փաստը և/կամ

Պայմանագրի որևէ պայմանի կիրառելիությունը:

3. ՊԱՅՄԱՆԱԳՐԻ ԱՌԱՐԿԱՆ

3.1. Պայմանագրով Կատարողը գույքային իրավունքների գործողության ողջ ժամկետում,

իսկ օրենքով թույլատրվող դեպքերում` նաև անժամկետ Պատվիրատուի օգտագործմանն

է հանձնում Պլագինը այնքանով, որքանով դրանք հանդիսանում են համակարգչային

ծրագիր և իրենց մեջ չեն ներառում տվյալներ /օրինակ՝ HKD, HKDigital/ կամ սպասարկման

միջոցով Կատարողի կողմից մատուցվող այլ ծառայություններ, դրանց թարմացված

տարբերակները և Պայմանագրով ու Գնացուցակով նախատեսված պայմաններով և

ծավալով Պատվիրատուին է տրամադրում Պլագինի օգտագործման իրավունքը՝

իրականացնելով Պլագինի թարմացում, տրամադրելով Պլագինի աշխատանքի

վերաբերյալ տեղեկատվա-տեխնիկական աջակցություն, ինչպես նաև ըստ

անհրաժեշտության Պայմանագրով և Գնացուցակով նախատեսված լրացուցիչ

ծառայություններ, իսկ Պատվիրատուն պարտավորվում է ընդունել Ծառայությունները և

վճարել դրանց համար Պայմանագրով և Գնացուցակով նախատեսված արժեքները:

3.2. Պլագինի օգտագործման իրավունքի տրամադրմամբ Պատվիրատուին է

տրամադրվում վճարված Բաժանորդագրության ժամկետի ամբողջ ընթացքում

ֆունկցիոնալ հնարավորությունները օգտագործելու ոչ բացառիկ, սահմանափակ և

չփոխանցվող իրավունքը՝ ընտրված Սակագնային փաթեթով (Գնացուցակով)

նախատեսված պայմաններին և ծավալներին համապատասխան:

3.3. Պայմանագրի 2.2 կետում նշված իրավունքները և ծառայությունները վերաբերում են

Պլագինում գրանցված և նույնականացում անցած Պատվիրատուի Օգտագործողին:

Ընդ որում, Պատվիրատուն կրում է իր Օգտագործողների գործողություների համար

ամբողջ պատասխանատվությունը: 3.4. Սակագնային փաթեթների ցանկը և

նկարագրությունը, որոնք Պատվիրատուն կարող է ընտրել, ներառյալ՝ դրանցով

նախատեսված ծրագրային ապահովումների և Ամպային տվյալների պահոցների ծավալը,

տեղեկատվա-տեխնիկական աջակցության ծավալները, Բաժանորդագրության

ժամկետների հնարավոր տարբերակները, ինչպես նաև 8 լրացուցիչ ծառայությունների և

հնարավորությունների ցանկը և ամպային ծառայություններին անցնելու պայմանները

սահմանվում են Պայմանագրի անբաժանելի մասը կազմող տվյալ ժամանակաշրջանում

գործող Գնացուցակով, որը հրապարակված է Կայքում համապատասխան հղման տակ:

3.7. Պլագինները մշակվել է Կատարողի կողմից, վերջինիս է պատկանում Պլագինների

նկատմամբ բացառիկ իրավունքները:

3.8. Պայմանագրով նախատեսված Ծառայությունները Կատարողի կողմից մատուցվում

են հեռավար կարգով՝ հեռահաղորդակցության (հեռախոսակապի, ինտերնետ կապի,

էլեկտրոնային փոստի և այլնի) միջոցով:

4. ԿՈՂՄԵՐԻ ԻՐԱՎՈՒՆՔՆԵՐԸ ԵՎ ՊԱՐՏԱՎՈՐՈՒԹՅՈՒՆՆԵՐԸ

4.1. Ի կատարումն Պայմանագրի պայմանների՝ Կատարողն իրավունք ունի.

4.1.1. միակողմանիորեն փոփոխել Պայմանագրի պայմանները, Պլագին մուտք գործելու

պայմանները, հիմնական և լրացուցիչ ծառայությունների ցանկը, ծրագրային

արտադրանքների անվանումները և կազմը, Պլագինների օգտագործման համար տրվող

իրավունքների ծավալը, Գնացուցակը, Սակագնային փաթեթները և սպասարկման այլ

պայմանները՝ այդ մասին ծանուցելով Պատվիրատուին և/կամ Օգտագործողին և

համապատասխան փոփոխություններով Պայմանագիրը/Օֆերտան տեղադրելով Կայքում:

Այդպիսի փոփոխությունները ուժի մեջ են մտնում Կայքում համապատասխան

փաստաթղթերի կամ տեղեկատվության հրապարակման պահից, եթե այլ բան

սահմանված չէ փոփոխությունների մասին ծանուցման հրապարակման մեջ կամ

Պատվիրատուին ներկայացված ծանուցման մեջ: Պատվիրատուն պարտավոր է

ինքնուրույն հետևել Կայքում հրապարակված բոլոր փոփոխություններին և

տեղեկատվությանը (այդ թվում այլ կայքերին հղումների տեսքով): Պատվիրատուի կողմից

Պլագինների օգատործման շարունակումը (այդ թվում՝ Պատվիրատուի ցանկացած

Օգտագործողի կողմից), կամ նոր սակագների հիման վրա Պատվիրատուի կողմից

հաշիվների վճարումը կամ Պատվիրատուի կողմից Կայքում փոփոխությունների

հրապարակումից և/կամ ներկայացված ծանուցումից հետո 3 /երեք/ աշխատանքային

օրվա ընթացքում առարկությունների բացակայությունը նշանակում է Պատվիրատուի

կողմից Պայմանագրի, սակագների/Սակագնային փաթեթների և սպասարկման այլ

պայմանների բոլոր փոփոխությունների ընդունում և դրանց վերաբերյալ համաձայնության

տրամադրում:

4.1.2. անվերապահորեն սահմանափակել կամ արգելափակել

Պատվիրատուի/Օգտագործողի Պլագինների մուտքը, եթե.

i. Պատվիրատուն/Օգտագործողը չի կատարում կամ ոչ պատշաճ է կատարում

համապատասխան վճարումները, կամ Պայմանագրի պայմանների խախտումները և/կամ

թերությունները վերացնելուն ուղղված Կատարողի պահանջները,

ii. Պատվիրատուն/Օգտագործողը Պլագինները օգտագործում է /կիրառում է/ օրենքով

արգելված կամ Պայմանագրով չնախատեսված, ինչպես նաև երրորդ անձանց

իրավունքները խախտող նպատակներով,

iii. Պատվիրատուն/Օգտագործողը իր գործողություններով, համապատասխան

տեխնիկական միջոցների կիրառմամբ կամ առանց դրանց, խափանում է Պլագինների

բնականոն գործունեությունը և Պատվիրատուի գործունեությունից չբխող, ոչ պետքական

տեղեկատվությամբ, որի արդյունքում առաջանում են տեխնիկական խնդիրներ:

4.1.3. Պատվիրատուի/Օգտագործողի կողմից ստացված անձնական տվյալները և այլ

անձնական տեղեկատվությունը օգտագործել բացառապես Պլագինների աշխատանքի

բարելավման, արդյունավետության բարձրացման, պաշտպանվածության մակարդակի

բարձրացման, Պայմանագրով ստանձնած պարտավորությունների պատշաճ կատարման,

մարքեթինգային և գովազդային, ինչպես նաև օրենսդրությամբ չարգելված այլ

նպատակներով: Անձնական տվյալների և այլ անձնական տեղեկատվության

տրամադրումը երրորդ անձանց կարող է իրականացվել բացառապես վերը նշված

նպատակների համար: Դրանց փոխանցումը երրորդ անձանց այլ առևտրային

նպատակների կիրառման համար արգելվում է:

4.1.4. իրականացնել Պատվիրատուի կողմից Պլագինների օգտագործման պայմանների,

առկա սահմանափակումների պահպանման նկատմամբ հսկողություն,

4.1.5. կատարել ցանկացած տեսակի փոփոխություններ, որոնք ուղղված են Պլագինների

աշխատանքի բարելավմանը, արդյունավետության, պաշտպանվածության բարձրացմանը,

Պլագինների միջոցով մատուցված ծառայությունների որակի բարձրացմանը,

4.1.6. ժամանակավոր սահմանափակել Պլագինների հասանելիությունը՝ կապված

պլանային պրոֆիլակտիկ աշխատանքների, Պլագինների արդիականացման,

խափանումների և դրանց հետևանքների վերացման և այլ հանգամանքների հետ, որոնք

իրենց էությամբ կարող են խոչընդոտել Պլագինների բնականոն աշխատանքին,

4.1.7. անհրաժեշտության դեպքում Պայմանագրով սահմանված իր

պարտավորությունների կատարմանը մասնակից դարձնել երրորդ անձանց՝ պահպանելով

անձնական տվյալների գաղտնիության և պաշտպանվածության պահանջները և կրելով

նշված անձանց գործողությունների համար պատասխանատվություն,

4.1.8. Պատվիրատուի/Օգտագործողի կողմից անընդմեջ ավելի քան 6 /վեց/ ամիս

Պլագինների չօգտագործման պարագայում Համակարգից հեռացնել Օգտագործողի

նույնականացման գաղտնաբառը։

4.1.9. իրականացնել Պայմանագրով նախատեսված և դրա էությունից բխող այլ

իրավունքներ:

4.2. Ի կատարումն Պայմանագրի պայմանների՝ Կատարողը պարտավոր է.

4.2.1. պատշաճ կարգով մատուցել Պայմանագրով սահմանված ծառայությունները,

4.2.2. Պայմանագրի պայմաններին համապատասխան ապահովել

Պատվիրատուի/Օգտագործողի մուտքը Պլագինի և ընձեռել Պլագինի՝ ընտրված

Սակագնային փաթեթով նախատեսված ծավալին համապատասխան

հնարավորություններից, գործիքներից և ծրագրային ապահովումներից օգտվելու

հնարավորություն,

4.2.3. հնարավորությունների սահմաններում և ըստ անհրաժեշտության ձեռնարկել

Պլագինների աշխատանքի որակի բարձրացմանն ուղղված միջոցներ,

4.2.5. ծրագրային ապահովման մեջ խափանումների և սխալների հայտնաբերման

դեպքերում (բացառությամբ տեխնիկական և ծրագրային միջոցների

անհամատեղելիության, տեխնիկական միջոցների խափանումների, ծրագրային

վիրուսների, աշխատակիցների՝ ծրագրով չնախատեսված գործողությունների պատճառով

առաջացած դեպքերի) վերացնել դրանք ապագա տարբերակներում,

4.2.6. ապահովել Անձնական տվյալների և Ամպային տվյալների պահոցներում առկա այլ

տեղեկատվության գաղտնիությունը և Պայմանագրի իմաստից և էությունից բխող իր

վերահսկողության ոլորտում դրանց պաշտպանվածությունը,

4.2.7. կրել Պայմանագրով, ինչպես նաև ընտրված Սակագնային փաթեթով, Գնացուցակով

նախատեսված և դրանց էությունից բխող այլ պարտավորություններ:

4.3. Ի կատարումն Պայմանագրի պայմանների՝ Պատվիրատուն /Օգտագործողը/

իրավունք ունի.

4.3.1. Պատվիրատուի համաձայնությամբ պատվիրել և ստանալ Պայմանագրով

նախատեսված լրացուցիչ ծառայություններ՝ դրանց համար վճարելու պայմանով,

4.3.2. մեկ Սակագնային փաթեթից տեղափոխվել մեկ այլ Սակագնային փաթեթի

(իրականացնել Սակագնային փաթեթի արդիականացում,)՝ վճարելով փաթեթների

արժեքների տարբերությունը ՝ ըստ տվյալ պահին գործող Գնացուցակի,

4.3.3. Հաշվի տվյալներում կատարել փոփոխություններ,

4.3.4. Պլագինները օգտագործել Պայմանագրով նախատեսված սահմաններում և

ընտրված Սակագնային փաթեթի պայմաններով՝ պարտադիր կարգով պահպանելով

իրավատերերի կողմից և լիցենզիոն համաձայնագրերով սահմանված օգտագործման և

սահմանափակումների պայմանները,

4.3.5. ստանալ խորհրդատվություն Պլագինների հնարավորությունների և աշխատանքի

հետ կապված,

4.3.6.

4.3.11. իրականացնել Պայմանագրով նախատեսված և Պայմանագրի էությունից բխող

այլ իրավունքներ:

4.4. Ի կատարումն Պայմանագրի պայմանների՝ Պատվիրատուն /Օգտագործողը/

պարտավոր է.

4.4.1. պատշաճ կարգով և ժամանակին վճարել ընտրված Սակագնային փաթեթով

սահմանված Պայմանագրի արժեքը,

4.4.2. խստորեն պահպանել և չխախտել Պայմանագրի պայմանները, ինչպես նաև

ապահովել Կատարողի հետ Պայմանագրի շրջանակներում համագործակցության

արդյունքում ստացած տեղեկատվության և անձնական տվյալների գաղտնիությունը և

պաշտպանվածությունը՝ պայմանագրի պայմաններին համապատասխան,

4.4.3. Համակարգը չօգտագործել օրենքով արգելված և Պայմանագրի էությունից չբխող

նպատակներով, որոնք խախտում են Կատարողի և երրորդ անձանց իրավունքները,

4.4.4. Պահպանել Գնացուցակով /ընտրված Սակագնային փաթեթով/ տրամադրված

Պլագինների համար սահմանված արժեքները,

4.4.5. Պայմանագրով նախատեսված իր իրավունքները և պարտավորությունները

չփոխանցել երրորդ անձանց, երրորդ անձանց չտրամադրել Պլագին մուտք գործելու

հնարավորություն՝ բացառությամբ ընդհանուր իրավահաջորդության դեպքի:

4.4.6. չխոչընդոտել Պայմանագրի պայմանների, Համակարգի օգտագործման պայմանների

և նախատեսված սահմանափակումների պահպանման նկատմամբ Կատարողի կողմից

հսկողության իրականացմանը,

4.4.7. իր վավերապայմանների, գտնվելու վայրի հասցեի, էլեկտրոնային փոստի հասցեի,

հեռախոսահամարի, ինչպես նաև Պայմանագրի կատարման համար նշանակություն

ունեցող այլ տվյալների փոփոխության դեպքում այդպիսի փոփոխության պահից 7 /յոթ/

աշխատանքային օրվա ընթացքում փոփոխությունների մասին գրավոր կարգով կամ

էլեկտրոնային փոստի միջոցով տեղեկացնել Կատարողին՝ տրամադրելով այդպիսի

փոփոխությունները հաստատող փաստաթղթերը

4.4.8. Կատարողի համար ապահովել հեռահար մուտք գործելու հնարավորություն՝

Պայմանագրով նախատեսված ծառայությունները հեռահար տրամադրելու նպատակով,

4.4.9. չխախտել Պլագինների և ծրագրային արտադրանքների կիրառման՝ իրավատերերի

և Պայմանագրով սահմանված պայմանները,

4.4.11. չիրականացնել որևէ գործողություն, որը կարող է խախտել իրավատերերի

իրավունքները, չօգտագործել Պլագինները Պայմանագրով սահմանված

իրավասությունների գերազանցմամբ կամ նախատեսված սահմանափակումների

անցմամբ,

4.4.12. ապահովել Պլագինների գործունության համար անհրաժեշտ տեխնիկական

միջոցների և ծրագրային ապահովումների համապատասխանությունը Կատարողի

կողմից կատարված Պլագինների թարմացումներին,

4.4.15. ժամանակին Կատարողին տրամադրել ծառայությունների պատշաճ մատուցման

համար անհրաժեշտ պահանջվող տեղեկատվությունը և փաստաթղթերը,

4.4.16. կրել Պայմանագրով նախատեսված և Պայմանագրի էությունից բխող այլ

պարտավորություններ:

5. ՊԱՅՄԱՆԱԳՐԻ ԱՐԺԵՔԸ ԵՎ ՎՃԱՐՄԱՆ ԿԱՐԳԸ

5.1. Պայմանագրի արժեքը որոշվում է գործող Գնացուցակի հիման վրա՝ հաշվի առնելով

Պատվիրատուի կողմից ընտրված Սակագնային փաթեթը, Բաժանորդագրության

ժամկետը և սպասարկման հետ կապված այլ պայմանները, և սահմանվում է

ծառայությունների վճարման հաշվով: Պայմանագրի արժեքը ներառում է ՀՀ

օրենսդրությամբ նախատեսված բոլոր հարկերը և պարտադիր վճարները:

5.2. Պայմանագրի արժեքի վճարումը կատարվում է տեղադրման համար միանվագ

վճարման եղանակով և տարեկան թարմացման համար ետվճարային վճարման

եղանակով։

5.3. Տարվա ընթացքում լրացուցիչ Ծառայություններից օգտվելու դեպքերում Կատարողը

տվյալ պահին գործող Գնացուցակին համապատասխան տրամադրված յուրաքանչյուր

լրացուցիչ ծառայության և ավելացված յուրաքանչյուր ծավալի համար ներկայացնում է

լրացուցիչ հաշիվ:

5.4. Գնացուցակը /այդ թվում Սակագնային փաթեթներ/ հրապարակված է և

պարբերաբար թարմացվում է Կատարողի Կայքում։

6. ԱՆՁՆԱԿԱՆ ՏՎՅԱԼՆԵՐԸ ԵՎ ԴՐԱՆՑ ՊԱՇՏՊԱՆՈՒԹՅՈՒՆԸ

6.1. Պատվիրատուն, Համակարգում գրանցվելով և նույնականացում անցնելով,

անվերապահորեն տալիս է իր համաձայնությունը Պլագինների օգտագործման և

կառավարման ընթացքում Կատարողի կողմից ստացված այնպիսի տեղեկատավության

մշակման, փոխանցման և պահպանման վերաբերյալ, որը պարունակում է անձնական

տվյալներ (անուն, ազգանուն, հայրանուն, ծննդյան ամսաթիվ և վայր, հաշվառման և/կամ

փաստացի բնակության հասցեները, սեռը, քաղաքացիությունը, ՀՎՀՀ, հեռախոսահամար,

էլեկտրոնային փոստ) և համաձայն է, որ նշված տվյալները պետք է պահպանվեն

Կատարողի մոտ և պետք է մշակվեն բացառապես Պայմանագրի նպատակների

իրականացման համար՝ համաձայն «Անձնական տվյալների պաշտպանության մասին» ՀՀ

օրենքի պահանջների:

6.2. Եթե Պայմանագրի կիրառման արդյունքում Կատարողը Պատվիրատուից ստանում է

Անձնական տեղեկատվություն, ապա Կատարողը պարտավոր է Անձնական տվյալները

մշակել ՀՀ օրենսդրությամբ նախատեսված անձնական տվյալների մշակման

սկզբունքների և կանոնների պահանջներին խիստ համապատասխան: Պատվիրատուն

և/կամ Օգտագործողը Անձնական տվյալները Կատարողին է տրամադրում Պայմանագրով

սահմանված Պլագինների օգտագործման իրավունքի տրամադրման, Պայմանագրով

նախատեսված ծառայությունների ստացման, Պայմանագրի առարկային վերաբերող

ծանուցումներ ուղարկելու, ներկայացված հարցումների պատասխաններ, Պլագինների

օգտագործման արդյունքում տարատեսակ տեղեկատվության և գովազդների ստացման

նպատակով և Կատարողին է հանձնարարում դրանց մշակումը, որն իրականացվում է

ավտոմատացված, տեխնիկական ցանկացած միջոցների կիրառմամբ կամ առանց դրանց

կիրառման, ներառյալ անձնական տվյալների հավաքումը, ամրագրումը, մուտքագրումը,

համակարգումը, կազմակերպումը, պահպանումը, օգտագործումը, վերափոխումը,

վերականգնումը, փոխանցումը, ուղղումը, ուղեփակումը, ոչնչացումը:

6.3. Կատարողը Պատվիրատուի անունից հանդես գալով որպես անձնական տվյալների

մշակող, պարտավոր չէ ստանալ Պատվիրատուի աշխատակիցների համաձայնությունը

նրանց անձնական տվյալների մշակման անհրաժեշտության դեպքում: Անվերապահորեն

ընդունելով Պայմանագրի պայմանները՝ Պատվիրատուն սույնով հաստատում է, որ նա

նախապես ստացել է իր աշխատակիցների համաձայնություն վերջիններիս անձնական

տվյալները Պայմանագրի կատարման շրջանակներում Կատարողին փոխանցելու համար:

6.4. Պատվիրատուի աշխատակիցների հանդեպ, ում անձնական տվյալները

Պատվիրատուի անունից մշակվում են Կատարողի կողմից, պատասխանատվությունը

կրում է հենց Պատվիրատուն:

6.5. Պատվիրատուի և/կամ Օգտագործողի կողմից Համակարգի օգտագործման և

կառավարման ընթացքում երրորդ անձանց վերաբերյալ անձնական տվյալների

ներկայացման պարագայում, Պատվիրատուն երաշխավորում է նշված անձանց

համաձայնությունը Կատարողի կողմից իրենց անձնական տվյալների՝ Պայմանագրի

պայմաններին համապատասխան հավաքագրման և մշակման վերաբերյալ և նշված

երրորդ անձանց առջև վերջիններիս անձնական տվյալների պահպանության և մշակման

համար պատասխանատվություն է կրում Պատվիրատուն:

6.6. Պայմանագրով նախատեսված անձնական տվյալների մշակման համաձայնությունը

գործում է Պայմանագրի գործողության ամբողջ ընթացքում և Պայմանագրի

գործողության դադարեցման պահից երեք տարվա ընթացքում կամ մինչև Պատվիրատուի

կողմից գրավոր կարգով ներկայացված հրաժարումը:

6.7. Կատարողը սույնով երաշխավորում է, որ Պլագինների գործողության ընթացքում

ստացված անձնական տվյալները իր կողմից կարող են օգտագործվել բացառապես

Պայմանագրի կնքման, Պայմանագրի փոփոխության կամ լուծման, Պայմանագրով

նախատեսված ծառայությունների պատշաճ մատուցման, Պայմանագրով նախատեսված

պարտավորությունների և գործողությունների պատշաճ կատարման ապահովման,

Պայմանագրի կատարումից բխող Պատվիրատուին ծանուցումների, տեղեկատվության

ներկայացման, ինչպես նաև Համակարգի զարգացման, արդյունավետության

բարձրացման և նոր ծրագրային արտադրանքների ներդրման նպատակներով:

7. ԳԱՂՏՆԻՈՒԹՅՈՒՆ

7.1.Պայմանագրի կնքման և կատարման ժամանակ Կողմերին հայտնի դարձած և ՀՀ

օրենսդրության ու Պայմանագրի իմաստով առևտրային կամ այլ գաղտնիք համարվող

ցանկացած տեղեկատվություն, այդ թվում՝ նաև Ամպային տվյալների պահոցներում

պահվող անձնական տվյալները և այլ տեղեկատվությունը հանդիսանում է գաղտնի

տեղեկատվություն:

7.2.Կողմերը պարտավոր են չհրապարակել կամ այլ կերպ երրորդ անձանց հայտնի

չդարձնել Պայմանագրի կնքման և կատարման ժամանակ իրենց հայտնի դարձած և ՀՀ

օրենսդրության ու Պայմանագրի իմաստով առևտրային կամ այլ գաղտնիք համարվող

տեղեկատվությունը:

7.3.Գաղտնիության վերաբերյալ Պայմանագրի սույն գլխի պահանջները խախտվելու

դեպքում Պայմանագրի կողմն իրավունք ունի մյուս կողմից պահանջել հատուցելու դրա

հետևանքով իրեն պատճառված վնասները:

7.4.Կողմի կողմից գաղտնի տեղեկատվության բացահայտումը կարող է իրականացվել

միայն մյուս Կողմի գրավոր համաձայնության դեպքում կամ դատական պաշտպանության

իրականացման ընթացքում օրինական ուժի մեջ մտած դատական ակտի հիման վրա կամ

ՀՀ օրենսդրությամբ սահմանված դեպքերում իրավասու պետական մարմինների կողմից

ներկայացված պահանջների հիման վրա:

7.5.Կատարողը երաշխավորում է Ամպային տվյալների պահոցներում՝ Տեղեկատվության

պահոցում և Պատճենների պահոցում առկա Պատվիրատուին և/կամ Օգտագործողին

պատկանող տեղեկատվության գաղտնիության պատշաճ պահպանումը: Ամպային

տվյալների պահոցներում առկա տեղեկատվությունը հասանելի է միայն Պատվիրատուին

և/կամ Օգտագործողին և Պատվիրատուի կողմից այդ տվյալներին հասանելիություն

ապահովող իրավունքներ տրված այլ օգտվողներին, ինչպես նաև Կատարողի որոշ

աշխատակիցներին՝ բացառապես սույն պայմանագրով նախատեսված նպատակներով

Պատվիրատուն համաձայնվում է կրել պատասխանատվություն Համակարգ մուտք

գործելու համար իր կողմից օգտագործվող Հաշվի գաղտնաբառերի գաղտնիության

պահպանության համար: Դրանից ելնելով Կատարողի առջև Պատվիրատուն

պատասխանատվություն է կրում իր Հաշվի օգտագործմամբ իրականացված բոլոր

գործողությունների համար:

7.6.Պատվիրատուն պարտավոր է իրականացնել Կատարողին փոխանցվող անձնական

տվյալների մշակման և փոխանցման վերաբերյալ օրենսդրությամբ և այլ նորմատիվ-

իրավական ակտերով նախատեսված բոլոր պահանջները: Պատվիրատուից Կատարողի

ստացած բոլոր անձնական տվյալները համարվում են օրինական կարգով ստացված:

Պատվիրատուն ընդունում է, որ իր կողմից անձնական տվյալների մշակման կարգի

խախտումը Կատարողի համար որևէ պատասխանատվություն չի առաջացնում և

Պատվիրատուին զրկում է անձնական տվյալների պաշտպանության կանոնների

խախտման համար Կատարողի դեմ որևէ պահանջ ներկայացնելու հնարավորությունից,

բացառությամբ Կատարողի կողմից դիտավորյալ խախտում կատարելուց միայն

Պատվիրատուի կողմից օրենսդրությամբ սահմանված բոլոր պահանջների պահպանման

պայմանով:

8. ԿՈՂՄԵՐԻ ՊԱՏԱՍԽԱՆԱՏՎՈՒԹՅՈՒՆԸ

8.1. Պայմանագրով սահմանված պարտավորությունները չկատարելու կամ ոչ պատշաճ

կատարելու համար Կողմերը պատասխանատվություն են կրում Պայմանագրով և ՀՀ

օրենսդրությամբ սահմանված կարգով:

8.2. Կատարողը պատասխանատվություն չի կրում Պլագինների օգտագործման և

կառավարման ընթացքում առաջացած ուղղակի կամ անուղղակի վնասների, ներառյալ՝

բաց թողնված օգուտի, Կատարողից որևէ կերպ չկախված պատճառներով Պլագինների

օգտագործման անհնարինության, Պատվիրատուի կողմից ներկայացված անձնական

տվյալների և այլ տեղեկատվության արժանահավատության, ամբողջականության,

ճշգրտության և արդիականության ապահովման համար: Պատվիրատուի կողմից

ստացված անձնական տվյալները Պատվիրատուի կողմից մշակվում և պահվում են այն

տեսքով և ձևով, որով դրանց ստացվել են:

8.3. Կատարողը պատասխանատվություն չի կրում Պլագինների աշխատանքի համար

անհրաժեշտ և երրորդ անձանց կողմից տրամադրված կամ ապահովված ծրագրերի,

ծառայությունների որակի համար:

8.4. Պատվիրատուն ընդունում է, որ Պլագինների շահագործման համար անհրաժեշտ է

կիրառել նաև երրորդ անձանց կողմից արտադրված և տրամադրված ծրագրային

ապահովումներ (օպերացիոն համակարգեր և այլն) և սարքավարումներ

(համակարգիչներ, բջջային հեռախոսներ, կապի սարքավորումներ և այլն), որոնց

աշխատանքի որակի համար Կատարողը որևէ պատասխանատվություն չի կրում:

8.5. Կատարողը պատասխանատվություն չի կրում Պլագինների աշխատանքի այնպիսի

խափանումների և ընդհատումների համար, որոնք անմիջականորեն կամ անուղղակիորեն

առաջանում են Կատարողի ողջամիտ վերահսկողության ոլորտից դուրս գտնվող

պատճառներով:

8.6. Պատվիրատուի առջև Կատարողի պատասխանատվությունը ցանկացած դեպքում

սահմանափակված է իրական վնասով, բայց ոչ ավելի, քան Պատվիրատուի կողմից

Պլագինների օգտագործման ընտրված Սակագնային փաթեթի արժեքի 20 (քսան) տոկոսի

չափով:

8.7. Կատարողը պատասխանատվություն չի կրում Պատվիրատուի և/կամ Օգտագործողի

կողմից կազմակերպչական և այլ միջացառումների չկատարման համար, որը հանգեցրել է

անձնական տվյալների մշակման համար չլիազորված անձանց կողմից անձնական

տվյալներին պատահական կամ անօրինական հասանելիության, ինչպես նաև անձնական

տվյալների ոչնչացման, փոփոխման, պատճենահանման, տարածման և կամ

արգելափակման, ինչպես նաև Պատվիրատուի աշխատակիցների և/կամ երրորդ անձանց

կողմից ոչ իրավաչափ գործողությունների:

8.8. Կատարողը պատասխանատվություն չի կրում երրորդ անձանց գործողությունների

համար, որոնց ուղղված են Պլագինների տեղեկատվական անվտանգության կամ

բնականոն գործունեության խախտմանը, ներառյալ՝ Պատվիրատուի և/կամ

Օգտագործողի կայքի վրա DDOS հարձակումները, ինչպես նաև Պլագինների

աշխատանքի այլ խափանումները, որոնց առաջացումը պայմանավորված է

համակարգչային, համացանցային վիրուսներով կամ Պլագինների ծրագրային

ապահովման մեջ այլ կողմնակի ներգործություններով:

8.9. Կատարողը չի երաշխավորում Պլագինների, այդ թվում՝ Ամպային տվյալների

պահոցների բացարձակ անխափան կամ առանց սխալների աշխատանքը և դրա համար

որևէ պատասխանատվություն չի կարող կրել:

8.10. Կատարողը չի տրամադրում ակնհայտ և ենթադրյալ երաշխիքներ, որ Պլագինները

կամ Պլագինների առանձին ծրագրային արտադրանքները, Ամպային տվյալների

պահոցները կհամապատասխանեն Պատվիրատուի բոլոր պահանջներին և

սպասելիքներին կամ բոլոր խնդիրներին և նպատակներին:

8.11. Պլագինների օգտագործման և կառավարման ընթացքում հայտնաբերված

սխալները և թերությունները առավելագույն կարճ ժամկետում վերացնելու և ուղղելու

նպատակով Կատարողը նախաձեռնում է համապատասխան միջոցներ: Կատարողը չի

երաշխավորում, որ բոլոր թերությունները կվերացվեն և չի տրամադրում որևէ

հավաստիացումներ և երաշխիքներ Համակարգի որևէ սխալների և թերությունների

վերացման ժամկետների հետ կապված:

8.12. Կատարողը պատասխանատվություն չի կրում և չի հատուցում Պատվիրատուի

վնասները, որոնք պայմանավորված են Պլագինների շահագործման արդյունքում ծագած

այնպիսի խախտումների և/կամ սխալների, որոնք առաջացել են Պատվիրատուի և/կամ

Օգտագործողի աշխատակիցների կամ երրորդ անձանց ոչ իրավաչափ և/կամ դիտավորյալ

գործողությունների, ինչպես նաև տեխնիկական միջոցների անսարքությունների և

էլեկտրասարքավորումների խափանումների հետևանքով:

8.13. Կատարողը որևէ պատասխանատվություն չի կրում ինտերնետի որակի համար, որի

միջոցով իրականացվում է Համակարգի մուտք գործումը և շահագործումը:

8.14. Պատվիրատուի և/կամ Օգտագործողի գործողությունների հետևանքով Ամպային

տվյալների պահոցում առկա տեղեկատվության կորստի, ոչնչացման, փոխանցման,

երրորդ անձանց հասանելիության համար Կատարողը պատասխանատվություն չի կրում,

իսկ տվյալների վերականգնումը հնարավոր է իրականացնել միայն տեխնիկական

հնարավորությունների առկայության պայմաններում:

8․15․ Կողմերն ընդունում և հաստատում են, որ Կատարողը պատասխանատվություն չի

կրում՝

• «WooCommerce» պլագինի, այլ պլագինների կամ հավելումների և

կազմակերպությունների կողմից մատուցված ծառայությունների համար,

• Հավելման օգտատերերի հարթակների (Wordpress), «WooCommerce» Պլագինի, այլ

Պլագինների կամ երկրորդ կազմակերպության կողմից պարբերաբար

թարմացումներից առաջացած տեխնիկական խնդիրների պատճառով հավելվածի

մասնակի կամ ամբողջական խափանման համար,

• oգտատիրոջ կայքի անխափանության, անվտանգության համար։

Կողմերն ընդունում և հաստատում են, որ ստանձնում են պարտավորություն գործել

բարեխիղճ և առաջին իսկ հնարավորության դեպքում վերացնել առաջացած

թերությունները։

8.15. Պատվիրատուի կողմից ՀՀ օրենսդրության պահանջների և/կամ Պայմանագրի

պայմանների խախտման դեպքում Կատարողը առանց նախապես ծանուցելու և

պատճառաբանության իրավասու է արգելափակել կամ հեռացնել Օգտագործողի

նույնականացման գաղտնաբառը:

8.16. Պատվիրատուն ինքնուրույն պատասխանատվություն է կրում երրորդ անձանց

առջև իր գործողությունների համար, որոնք կապված են Պլագինների շահագործման հետ,

այդ թվում՝ եթե այդ գործողությունները հանգեցնում են երրորդ անձանց իրավունքների և

օրինական շահերի խախտման:

8.20. Պայմանագրով նախատեսված վճարման ժամկետը 5 /հինգ/ աշխատանքային օրից

ավել խախտելու դեպքում Կատարողը իրավունք ունի կասեցնել Պատվիրատուի և/կամ

Օգտագործողի մուտքը դեպի Պլագինների:

9. ՊԱՅՄԱՆԱԳՐԻ ԳՈՐԾՈՂՈՒԹՅԱՆ ԺԱՄԿԵՏԸ, ՊԱՅՄԱՆԱԳՐԻ ՓՈՓՈԽՈՒԹՅԱՆ ԵՎ

ԼՈՒԾՄԱՆ ԿԱՐԳԸ

9.1. Պայմանագիրը ուժի մեջ է մտնում կնքման պահից և գործում է մինչև Կողմերի կողմից

Պայմանագրով սահմանված իրենց պարտավորությունների ամբողջական կատարումը՝

Պատվիրատուի կողմից ընտրված Սակագնային փաթեթին և բաժանորդագրության

ժամկետին համապատասխան:

9.2. Պլագինի մուտքի հնարավորության տրամադրումը և Պլագինի ամբողջական

շահագործումը /օգտագործումը/ հնարավոր է դառնում Պատվիրատուի կողմից ընտրված

համապատասխան Սակագնային փաթեթի և Բաժանորդագրության ժամկետի համար

Պայմանագրով նախատեսված վճարումների կատարումից հետո:

9.3. Պատվիրատուի կողմից նոր Բաժանորդագրության ժամկետի համար վճարելու

դեպքում Պայմանագրի գործողությունը ինքնաշխատ կերպով երկարաձգվում է նշված

ժամկետով:

9.4. Պայմանագրի համար, որը կնքվում է Պայմանագրով սահմանված կարգով Օֆերտայի

ակցեպտավորման միջոցով, չի պահանջվում երկկողմանի ստորագրություն և ըստ այդմ

Պայմանագիրը իրավաբանական ուժ ունի նաև էլեկտրոնային տարբերակով:

9.5. Եթե Պայմանագրի գործողության ժամկետի լրանալուց առնվազն 30 /երեսուն/ օր

առաջ Կողմերից ոչ մեկը չի ծանուցում Պայմանագրից հրաժարման մասին, ապա

Պայմանագիրը ինքնաշխատ կերպով համարվում է երկարաձգված նույն պայմաններով

նախկինում գործող Սակագնային փաթեթի և Բաժանորդագրության ժամկետով՝ տվյալ

պահին գործող Գնացուցակով սահմանված համապատասխան կանխավճարի վճարման

հիման վրա:

9.6. Կատարողը իրավասու է միակողմանիորեն փոփոխել և լրացնել Պայմանագրի

պայմանները՝ այդ մասին համապատասխան տեղեկատվությունը հրապարակային

եղանակով տեղադրելով Կայքում և Պատվիրատուին ծանուցելով Պլագինի և/կամ

դրանում առկա էլեկտրոնային փոստի միջոցով: Ընդունելով Կատարողի կողմից

կատարված համապատասխան փոփոխությունները կամ լրացումները՝ Պատվիրատուն

տալիս է իր համաձայնությունը Պայմանագրով նախատեսված ծառայությունների

ստացումը փոփոխված կամ լրացված պայմանների հիման վրա իրականացնելու

վերաբերյալ:

9.7. Պայմանագիրը կարող է լուծվել հետևյալ դեպքերում.

9.7.1. ցանկացած ժամանակ Կողմերի փոխադարձ համաձայնությամբ,

9.8.2. ցանկացած Կողմի նախաձեռնությամբ՝ այդ մասին լուծման պահից առնվազն 30

/երեսուն/ օրացուցային օր առաջ գրավոր կարգով ծանուցելով մյուս Կողմին:

Պայմանագիրը լուծված է համարվում ծանուցման ստացման պահից 30-րդ օրը:

9.8.3. Կատարողի նախաձեռնությամբ՝ առանց գրավոր կարգով Պատվիրատուին

ծանուցելով, եթե Պատվիրատուն և/կամ Օգտագործողը 6 /վեց/ օրացուցային ամիս

անընդմեջ չի շահագործել /օգտագործել/ Համակարգը: 9.8.4. Կատարողի

նախաձեռնությամբ, երբ Պատվիրատուի և/կամ Օգտագործողի կողմից խախտվում են

Պայմանագրով նախատեսված պարտավորությունները, 9.8.5. Կատարողի

նախաձեռնությամբ, երբ Պատվիրատուն և/կամ Օգտագործողը Համակարգը և դրա

ընձեռած հնարավորությունները, այդ թվում՝ Ամպային տվյալների պահոցները

օգտագործում է Կատարողին դիտավորությամբ վնաս պատճառելու, Համակարգի

աշխատանքը խափանելու, կասեցնելու և Պայմանագրի նպատակներից տարբերվող այլ

նպատակներով: 9.8.6. Պայմանագրով և/կամ ՀՀ օրենսդրությամբ նախատեսված այլ

դեպքերում: 25 9.9. Պայմանագրի վաղաժամկետ լուծման դեպքում Կատարողը իրավունք

ունի հեռացնել Պատվիրատուի և/կամ Օգտագործողի Հաշիվը:

9.10. Պատվիրատուի նախաձեռնությամբ Պայմանագրի վաղաժամկետ դադարեցման

/լուծման/ դեպքում վաղաժամկետ լուծման վերաբերյալ ծանուցման ստացման օրվա

դրությամբ Պատվիրատուի կողմից Կատարողին վճարված գումարները Կատարողի

կողմից Պատվիրատուին ենթակա չեն վերադարձման: Կողմերը սույնով ընդունում և

հաստատում են, որ չվերադարձված դրամական միջոցները հանդիսանում են

Պատվիրատուի կողմից Պայմանագիրը վաղաժամկետ լուծելու իրավունքի իրականացման

համար Կատարողին վճարման ենթակա փոխհատուցում:

10. ԱՆՀԱՂԹԱՀԱՐԵԼԻ ՈՒԺԻ ԱԶԴԵՑՈՒԹՅՈՒՆԸ (ՖՈՐՍ ՄԱԺՈՐ)

10.1. Կողմերն ազատվում են Պայմանագրով ստանձնած պարտավորությունները մասամբ

կամ ամբողջովին չկատարելու համար պատասխանատվությունից, եթե այդ չկատարումն

անհաղթահարելի ուժի ազդեցության հետևանք է: Անհաղթահարելի ուժ կարող են

համարվել այնպիսի հանգամանքները, որոնք ի հայտ են եկել Պայմանագրի կնքումից

հետո, անմիջականորեն ազդել են Պայմանագրով սահմանված պարտավորությունների

կատարման վրա և իրենց բնույթով այնպիսին են, որ չէին կարող կանխատեսվել կամ

կանխարգելվել դրանց ազդեցությունը վկայակոչող Կողմի կողմից (հրդեհներ, ջրհեղեղներ,

երկրաշարժեր, ապստամբություններ, պատերազմներ, ռազմական գործողություններ,

համաճարակներ և այլն):

10.2. Պայմանագրով սահմանված պարտավորության կատարման ժամկետը լրանալուց

հետո ծագած հանգամանքները, նույնիսկ Պայմանագրի 9.1 կետում սահմանված

պայմաններին համապատասխանելու դեպքում, չեն կարող համարվել անհաղթահարելի

ուժ և հիմք հանդիսանալ Պայմանագրով սահմանված պարտավորությունները

չկատարելու համար պատասխանատվությունից ազատվելու համար:

10.3. Անհաղթահարելի ուժ համարվող հանգամանքների առկայության վերաբերյալ

ապացույց կարող են հանդիսանալ իրավասու մարմիննների կողմից տրված

տեղեկանքները:

10.4. Անհաղթահարելի հանգամանքների ի հայտ գալու դեպքում Կողմերի

պարտավորությունների կատարման ժամկետները հետաձգվում են այդ հանգամանքների

և դրանց հետևանքների գործողության ժամանակին համապատասխան:

10.5. Կողմը, որի համար պարտավորության կատարումն անհնարին է դարձել

անհաղթահարելի ուժի ազդեցության հետևանքով, պարտավոր է գրավոր տեղեկացնել

մյուս կողմին նման հանգամանքների ի հայտ գալու պահից 3 (երեք) շաբաթվա

ընթացքում:

10.6. Եթե անհաղթահարելի ուժի գործողությունը շարունակվում է 2 (երկու) ամսից ավելի,

Կողմերից յուրաքանչյուրը իրավունք է ստանում լուծելու Պայմանագիրը: Ընդ որում,

Պայմանագրի լուծումը նման հիմքով մյուս կողմի համար չի առաջացնում լուծման

հետևանքով վնասների հատուցում պահանջելու իրավունք, սակայն Կողմերը

պարտավորվում են Պայմանագրի լուծումից հետո ապահովել, որպեսզի Համակարգի

սպասարկման դիմաց արդեն իսկ կատարած վճարումը համարժեք լինի Կատարողի

կողմից կատարված պարտավորություններին: Դրանց անհամարժեքության դեպքում

նյութական առավելություն ստացող Կողմը պարտավորվում է իր ստացած առավելության

չափով հատուցել մյուս Կողմի պահանջները՝ Կողմերի նյութական հավասարակշռությունը

պահպանելու համար:

11. ՎԵՃԵՐԻ ԼՈՒԾՈՒՄԸ

11.1. Համակարգի շահագործման ընթացքում Կողմերի միջև ծագած բոլոր վեճերը

լուծվում են բանակցությունների միջոցով: Բանակցությունները իրականացվում են

նախապահանջային եղանակով՝ Պայմանագրի խախտում վկայակոչող կողմից

Պայմանագրի ենթադրյալ խախտում թույլ տրված կողմին խախտման վերաբերյալ

նախապահանջ ուղարկելու միջոցով:

11.2. Նախապահանջը ստանալու պահից 15 օրացուցային օրվա ընթացքում դրա

վերաբերյալ պատասխան չստացվելու կամ ներկայացվող պահանջը մերժվելու դեպքում

վեճի լուծումը հանձնվում է Հայաստանի Հանրապետության ընդհանուր իրավասության

դատարանների ենթակայությանը: Վեճը լուծվում է Պայմանագրով սահմանված

պայմանների և Հայաստանի Հանրապետության նյութական իրավունքի նորմերի

համաձայն:

12. ԵԶՐԱՓԱԿԻՉ ԵՎ ԱՆՑՈՒՄԱՅԻՆ ԴՐՈՒՅԹՆԵՐ

12.1. Համակարգի լոկալ տարբերակից օգտվող և սույն պայմանագրին դեռևս չմիացած

Պատվիրատուները/Օգտագործողները կարող են Պայմանագրի պայմանների ընդունմամբ

անցում կատարել Համակարգի օգտագործման ամպային տարբերակին՝ օգտվելով

Պայմանագրով նախատեսված Համակարգի ֆունկցիոնալ հնարավորություններից և

վճարելով ընտրված Սակագնային փաթեթով պայմանավորված արժեքները:

12.2. Համակարգի օգտագործման ընթացքում Պատվիրատուի աշխատատեղերի

ավելացմամբ պայմանավորված Պատվիրատուն իրավունք ունի Պայմանագրի

գործողության ժամկետի պահպանմամբ փոփոխել իր սկզբնական Սակագնային փաթեթը

ըստ իր աշխատատեղերի քանակի՝ վճարելով փոփոխման օրվա դրությամբ գործող

Գնացուցակով սահմանված արժեքների տարբերությունը:

12.3. Պայմանագիրը կարող է փոփոխվել կամ լրացվել Կողմերի փոխադարձ

համաձայնությամբ բացառությամբ այն կետերի, որոնք թույլատրվում է լրացնել կամ

փոփոխել միակողմանիորեն: Բոլոր փոփոխությունները և լրացումները կատարվում են

գրավոր և ստորագրվում Կողմերի լիազոր անձանց կողմից: Կնքված համաձայնագրերը

հանդիսանում են Պայմանագրի անբաժանելի մասը:

12.4. Պայմանագրի նկատմամբ կիրառելի օրենսդրություն է համարվում Հայաստանի

Հանրապետության օրենսդրությունը:

12.5. Պայմանագրով չկարգավորված հարաբերությունները ենթակա են կարգավորման

Հայաստանի Հանրապետության օրենսդրությամբ սահմանված կարգով:

12.6. Եթե Պայմանագրի որևէ պայման կամ կետ անվավեր է կամ այդպիսին է ճանաչվում

դատարանի կողմից, դա չի ազդում որևէ այլ կետի կամ պայմանի վավերականության

վրա:

12.7. Պայմանագրի շրջանակներում բոլոր գրությունների, տեղեկությունների

փոխանցումը և ծանուցումները համարվում են պատշաճ, եթե դրանք ուղարկվել են

փոստով կամ էլեկտրոնային փոստով` ըստ Կողմերի՝ Պայմանագրում նշված տվյալների

(հասցեների): Պայմանագրի գործողության ընթացքում Կողմերի կամ նրանցից որևէ մեկի

հասցեի փոփոխման դեպքում Կողմերը պարտավորվում են այդ մասին ոչ ուշ, քան 5

(հինգ) օրվա ընթացքում տեղեկացնել միմյանց: Նման հաղորդման բացակայության

դեպքում փաստաթղթերն ուղարկվում են նրանց վերջին հայտնի հասցեով և համարվում

են հանձնված հասցեատիրոջը, թեկուզև հասցեատերն այդ հասցեում այլևս չի գտնվում

կամ էլեկտրոնային հասցեն այլևս գոյություն չունի կամ չի պատկանում հասցեատիրոջը:

12.8. Կնքելով Պայմանագիրը՝ Պատվիրատուն տալիս է իր համաձայնությունը

տեղեկատվական և գովազդային բնույթի նամակների և նյութերի ստացման համար,

որոնք տարածվում են կապի միջացներով (էլեկտրոնային փոստով, հեռախոսային

նամակներով, Viber, WhatsApp հավելվածներով և այլն), ինչպես նաև Կայքի էջերում

անձնավորված գովազդային ծանուցումների ներկայացման համար: Նշված

համաձայնությունը գործում է մինչև դրա հետկանչը:

13. ԿԱՏԱՐՈՂԻ ՎԵՎԵՐԱՊԱՅՄԱՆՆԵՐԸ

ԷՅՋԿԱ ԴԻՋԻՏԱԼ ԷՋԵՆՍԻ ՍՊԸ

ՀՎՀՀ` 03023481

հ/հ 2050722044281001 Ինեկոբանկ ՓԲԸ

Էլ. փոստ` support@hkdigital.am

Հեռ.` +374 (33) 779-779, +374 (60) 777-999

Հասցե` ք. Հրազդան , Երևանյան 10/24

Տնօրեն Հ․ Կարապետյան

14. ԳՆԱՑՈՒՑԱԿ

Միանվագ տեղադրման վճար

Թարմացման վճար

Payment Gateway for Idram

Անվճար

Payment Gateway for ACBA

BANK

27․000 Դրամ

7․000 Դրամ

Payment Gateway for

AMERIABANK

27․000 Դրամ

7․000 Դրամ

Payment Gateway for Telcell

27․000 Դրամ

7․000 Դրամ

Payment Gateway for IDBANK

27․000 Դրամ

7․000 Դրամ

Payment Gateway for

EVOCABANK

27․000 Դրամ

7․000 Դրամ

Payment Gateway for

ARMECONOMBANK

27․000 Դրամ

7․000 Դրամ

Payment Gateway for Converse

Bank

27․000 Դրամ

7․000 Դրամ

Payment Gateway for

INECOBANK

27․000 Դրամ

7․000 Դրամ

Էլեկտրոնային ՀԴՄ

40․000 Դրամ

10․000 Դրամ